ⓘ Norberto Romuáldez, Sr.. Hi Norberto Romuáldez y López usa nga Pilipinhon nga manunurat, politko, hurista, ug tawo han estado. Hiya an syahan han pamilya Romual ..

                                     

ⓘ Norberto Romuáldez, Sr.

Hi Norberto Romuáldez y López usa nga Pilipinhon nga manunurat, politko, hurista, ug tawo han estado. Hiya an syahan han pamilya Romualdez nga nasikat ha bug-os nga nasod. Hiya an tiyo ni Imelda Marcos, an anak han iya putó nga bugto nga hi Vicente Orestes.

Hi Norberto Romualdez natawo ha Burauen, Leyte han Hunyo 6, 1875. Nagtubo hiya ha Leyte ngan nasikat ha pagtikang komo usa nga manunurat ha Winaray. An iya syahan nga sinurat nga sarswela ha Winaray amo an sarswela nga An Pagtabang ni San Miguel.

Han 1908, hi Romualdez nagsurat han Bisayan Grammar and Notes on Bisayan Rhetoric and Poetic and Filipino Dialectology, Binisaya nga Gramatika ngan mga Tigaman ha Binisaya nga Retorika, ngan Pansiday ug Pilipinhon nga Diyalektolohiya, usa nga basahon hin gramatika mahitungod han Winaray nga Binisaya. Han sunod nga tuig 1909 gintukod ni Romualdez an Sanghiran san Binisaya ha Samar ug Leyte agod ma-ibandilyo ug maipadukwag an yinaknan nga Winaray. May abilidad gihapon hi Romualdez ha iba nga mga yinaknan sugad han Kinatsila, Iningles ug Sinugboanon.

Hi Romualdez nagsirbe komo usa nga justice han Korte Suprema han Pilipinas han Panahon han Americano. Bulig gihapon hiya dida han 1934-1935 nga Constitutional Convention nga nagpagawas han 1935 nga Batakang-Balaod para han Mancomunidad Pilipinhon Philippine Commonwealth.

Namatay hin sakit hi Norberto Romualdez han Nobyembre 4, 1941 ha Palapag, Samar nga yana lakip han lalawigan han Northern Samar.

                                     

1. Mga Sinurat

Lingguwistika

  • Bisayan Grammar and Notes on Bisayan Rhetoric and Poetic and Filipino Dialectology Binisaya nga Gramatika ngan mga Tigaman ha Binisaya nga Retorika, ngan Pansiday ug Pilipinhon nga Diyalektolohiya

Drama

  • An Anak han Manaranggot
  • An Pagtabang ni San Miguel
                                     
  • pag - intelektwalisar han Winaray nga yinaknan. Gintukod ini han 1909 ni Norberto Romuáldez Sr Inin sanghiran nagmantala hin mga lagda o surundon han pagsurat